Endama Meclîsê PAJKî û Fermandara Qerargehê Merkezî yê HPGyî Gulçîya Gabar 29ê nîsana 2019î de warê Çemankê yê Garê de hêrişêk de şehîd bibî. Koordînasyonê PAJKî bi eşkerayîyêke Fermandare Gulçîya Gabar yad kerde.

Eşkerayîye wina ya:

''Ma embaze Gulçîya Gabar û şorişgêra ciwane Pelşîne Newroz bi rêzî yad kenê. Ma reyna soz danê ke dişmenê faşîst û qirkerî ra hesab bipersê.

Embaze Gulçîya roja tewrbîyayîşî ra heta şehadetê xo her ca de bîye serkêşe, fermandare û şorişgêrêka serkewte. Aye Botan, Amed, Garzan û Rojawan de raştîya Rayberîye viste verbî û şerî rê fermandarîye kerde. Aye perspektîfê Rayberîye 'Her hela bê çalakîye wextê perwerdeyî yo' xo rê kerd dîsîplînê cuye. A bi felsefeya Rayber Apoyî ciwîyaye û bîye milîtana bêhempa ya xeta Partîye.

Embaze Gulçîya kulturê welatperwerîye cewherê cinîyan de mojna Aye tewir û têkoşînê xo berdî her warî. Embaze Gulçîya qasê wezîfe û mesuldarîuyanê xo yê leşkerîyan bi ferasetê wezîfeyanê Partîye bi coş û kelecanî tewra  pratîkî bîye. Embaze Gulçîya wezîfeyê Meclîsê PAJKî hem merkezê partîye de hem zî pêro waran de bi serkewtişî ardî ca. Wexto ke aye fermandarîya gerîlayan kerdêne bi tewrbîyayîşê xo verê pratîkî akerd. A bîye îfadeya milîtanîya cinîyan. Aye raştîya PAJKbîyayîş û PKKbîyayîşî manaya cuye kerdêne çalakîye, bi yewbîyayîşê bawerî û hişmendîya mesuldarîyanê xo ardêne ca.

Embaze Pelşîna ke pa embaze Gulçîya şehîd bîya, gerîlayêka cinîye ya qerardare bîye. Rixmê ciwanîya xo zî a wayîra tecrubeyanê girîngan bîye. Ma do embaze Pelşîne Newroze zî tim yad bikerê.

Ma serrgêra 6. ya şehadetê înan de Endama Konseya Fermandarîye ya YJA-starî û HPGyî Nalîne Mûş û Hêlîne bi rêzdarî yad kenê. Ma do bi averberdişê Konfederalîzmê Cinîyan ê Demokratîkî û servistişê şorişê cinîyan perwerîya xo bimojnê şehîdan. Nê esasî ser o ma pê bawer ê ke Hemleya 'Jin, Jiyan, Azadî, ver bi Şorişê Cinîyan' xeta şehîdan de bîyarê ca û 2023 bikerê serra hesabpersayîşî û serkewtişanê pîlan. Bi na bawerîye ma pêro cinîyanê têkoşeran selam kenê.''