Platformê Cinîyan ê Şahmarane yê Mêrdînî derheqê qirkerdişê Sakîne Kultur û Remzîye Apaydina ke qezaya Depe ya Xarpête de hetê serqoricî Nîhat Cavî ra amebî qirkerdene de eşkerayîye daye.

Xeylêk cinîyî tewrê eşkerayîye bîyî. Derya Akyol nameyê platformî ser o eşkerayîye wende. Akyole vat: ''Seba ke şîdetê vera cinîyan bêceza verdîyeno tecawuz û kişîyayîşê cinîyan zêdîyenê. Serranê peyênan de zî Kurdîstan de sûcê winasênî yê unîformakerdeyan zêdîyayî. Sebebê ney o sereke zî polîtîkayê şerê taybetî yê dewlet ê. Sakîne û Remzîye hetê unîformakerdeyan ra ameyî qetilkerdene. Nê cînayetî polîtîkayê şerê taybetî yê vera cinîyan ê kurdan ê. Nê cînayetî hetê dewlete ra yenê teşwîqkerdene. Ganî ma vera ney bêveng nêmanê û seba ke cinîyêka bîne ma destî ra nêşora ma do têkoşîn bikerê.''