Rayraşîyayîşê Şewe yê Femînîstî yê 8ê Adare yo ke hetê walîtîya Îstanbulî ra amebi qedexekerdene rîxmê pêro astengîyan bi sloganê ''Înatanê înan rê serewedaritiş'' ame kerdene. Saetanê serê sibayî pêro rayîrî ke şinê Meydanê Taksîmî hetê polîsan ra ameyî girewtene.

Cinîyî verê Komeleya Heqanê Merdiman de kom bîyî û înan bi dowîzanê ''Gulîstane Doku kotî de ya?'', ''Biciwîyo têkoşîno femînîst'', ''Cinîye, Cuye, Azadîye'' ûsn dest pê rayraşîyayîşê xo kerd. Cinîyî Siraselvîler de hetê polîsan ra ameyî astengkerdene. Polîsan bi gazê îsotî hêrişê cinîyan kerd û zaf cinîyî destbend kerdî.