Endama Konseya Hemserekîya Pêroyî ya KCKyî Sozdare Avesta  Û Endama Koordînasyonê PAJKî Evîndre Ararat programêkê taybetî yê Stêkr TVyî de  vengdayîşo tarîxî yê Rayber Apoyî yê 27ê sibate û 9ê Adare Roja Cinîyan ê Kedkaran a Dinya erjnayî.

Sozdare Avesta  vist vîrî ke badê Vengdayîşê Haştîye û Komelê Demokratîkî yê Rayber Apoyî PKKyî cade adirbirnayîş îlan kerd û vat: ''Cepheyê kurdan zaf zelal o. Her kesî ra zafêr haştîye wazeno. Her hetî ra derheqê vengdayîşî de eşkeryîye pozîtîfî ameyî la gan nê sey temenî  memanê. Gerek warê sîyasî û huqûqî de gamê ke hewce kenê bêrê eştene. Gerek semedê azadîya Rayberîye her wextî ra zafêr têkoşîn bêro kerdene.''

Evîndre Ararat zî ard ziwan ke Rayber Apo cehd keno ke her 8ê Adare mijdanêk bido cinîyan û nê vatî: ''Rayber Apo wexrê ronayîşê têgêrayîşê ma ra tim pê cinîyan bawer o û paştîya ci tira pêt a. Coka cinîyî bitayberî dayîkî tim serhildanan de waranê têkoşînî rê serkêşîye kenê.Vengdayîşê Haştîye û Komelê Demokratîkî zî serkêşîya cinîyan de eşkeno ser bikewo.''