No rêçê cinîyêke bi ke rojanê adirînan ê Almanya da dadîya xo ra bîye û rayîrî ra şîye. Bîye vatişê peyênî yê cinîyan û Clara Zetkîn resnaye Kurdîstan. Saraha Handelmann yanî bi nameyê xo yê PKKyî Sara Dorşîn.

Sara 7ê nîsanan 2019î de hêrişê hewayî yê artêşa tirke de koyanê Kurdîstanî de wefat kerd. Sara bîye gerîlayêka artêşa YJA-Starî û koyan de têgêraye. Çimê ci yê qijkekî vurîyayî roştîye, pakîya zerrîya ci vurîyaye cinîyêka şerwane û xurte. Pêro rengê yekperestî yê Almanya red kerdî û verê xo da renganê cuya pêroyan. Rengê xo dîyî û ê dîyarîya PKKyî kerdî.

Sarahe Handelmann yanî Sara Dorşîn serra 1985î de Almanya de ameye dinya. Rêçê xoverdayîşî yê cinîyan ser o xo da û cin3iyê Kurdîstanî şinasnayî. Şorişê Rojawanî dî û heta peynîye tewrê şorişî bîye. Bawerîya xo bi awankerdişê cuyêka newîye ya şaran pîl kerde û 30ê hezîranê 2017î de verê xo da koyanê Kurdîstanî.

Sara Dorşîn rêçê şorişêkî ser o şîye û xo resna sûrbîyayîşê koyî. Bi r3iyê xo yê huyayeyî xoşeberêke de bi kurdkî vatêne: ''Seba awankerdişê kesayetêka newîye mi waşt ke ez bêra koyan. Çunke têkoşînê cinîyan mi ser o zaf tesîr kerd. Bi taybetî îdeolojîyê Rayber Apoyî, alternatîfê cuya newîye mi ser o zaf tesîr kerd. Ez şîya Rojawan la ez tira mird nêbîya. Îdeolojîyê Rayber Apoyî wayîrê nê hêzî bi ke eşkeno meseleyê welatê mi Almanya çare biko. No zî têna bi çekan beno, çunke sîstem çateyêka bîne nêverdaye. Ez pê nê îdeolojîyî û cinîyan bawer a."

Sara Dorşîn 7ê nîsana 2019î de hêrişêkê hewayî yê artêşa AKPyî de alaya azadîye û edaletî teslîmê embazanê xo kerde. Alaya PKKyî ya ke rengê serewedaritişî ra yena meydan têna destê gerîlayan de nêmende. Dinya de vila bîye. Sarayêke kewte verarê erdî, bi hezaran Sarayî zî dadîya xo ra bîyî.