Onalîa Çendy Dortmund de keyeyê xo de verê çimanê domananê xo de bi hawayêkê barbarî amebî qetilkerdene.

Rêxistinê cinîyî seba ke Çendye yad bikerê û kiştişê cinîyan şermezar bikerê çalakîyêke kerde.

Çalakîye roja şemeyî ameye kerdene û cinîyê kurdî, almanî û komeleyê cinîyan tewrê na çalakîye bîyî.
Têgêrayîşê Cinîyan ê Ciwanan û Wendekaran ê Cinîyan ê Kurdîstanî çarçewa hemleya ''Meverde'' de bi sloganê ''Rayîr mede kiştişê cinîyan'' çalakîye de cayê xo girewtî.

Cinîyan çalakîye de sloganê ''Vera kiştişê cinîyan ma pîya yê'', ''Hînî ma ra kesêke zî kêm nêba'', ''Cinîye, Cuye, Azadîye'' vatî û verê keyeyê Çendye de nawnayîşêk kerd.

Nawnayîş de werzîya Çendye Sarieene Hamît qisey kerd û dejê xo ard ziwan. 

Vilawekê hemparî yê cinîyan de ame vatene ke serebûtê kiştişê cinîyan benê zêdêr û tee berpirsîyarîya dewlete zî esta ke kiştişê cinîyan sey meşrû vînena.

Êyê ke morê xo dayî vilawekî: Keyeyê Çendye, Sîwana Meclîsanê Cinîyanê Êzidîyan, YJK-E, ÛTAMARA, Buroyê Haştîye yê Cinîyanê Kurdan, Înîsîyatîfo Femînîst ê Dortmundî, Yewîya Cinîyan ê Koçberan, Grevê Cinîyan ê Dortmundî, cinîyê afrîkayîjî. Xeylêk sîyasetmedaran zî paştî da çalakîye.