Vîyan Hêvî serra 2015î de hem sey gerîlayêke hem zî sey doktorêke tewra gerîlayan bena.  Vîyan Hêvî hetêkî ra gerîlayan kena weş hetêkê bînî ra zî înan reyde xoşebere kena. Doktore Vîyan Hêvî ANFyî rê qala hîkayeya xo ya tewrbîyayîşê gerîlayan kerde. 

Gerîla Vîyan Hêvî vat: ''Wextêkê dergî mi sîstem de cigêrayîş kerd. Mi waşt ke ez payan ser vindera. Wexto ke ez tewra gerîlayan bîya mi dî ke mîyanê gerîlayan de doktorî çin ê. Seba ke ez gerîlayan weş bikera mi waşt ke wezîfeyêko winasên bigêra. Xora zehmetîya nê wezîfeyî zî esta. Wexto ke ma embazanê xo bi serkewtişî weş kenê, zaf benê şay. No seba ma fîraz o.

Komel de  nêweşîyî û kaosî asta tewr berze de yê. Sebebê nînan zî modernîteya kapîtalîst a. Vîrusê Korona mîsalê ney o. Ma çarçewa paradîgmaya Rayber Apoyî de kenê ke vera ney bivejîyê.Gerîlayî pê felsefeya Rayber Apoyî resenê a aste ke eşkenê vera nêweşîyan têkoşîn bikerê. Sayê awa pake, hewayê pakî yê koyan ra gerîlayî weş ê. Koyanê Kurdîstanî de tewir bi tewir vaşî estê. No zî gerîlayan rê tesîrêko pozîtîf keno.

Rincanîya ma pê yew huyayîşê embazanê ma cade qedîyena. Ma warê gerîlayan de pê heskerdiş xebitîyenê, têkoşîn kenê. Ez nika doktor a la heman wextî de gerîlayêk a û coka karê gerîlatîye zî kena.  Ganî ciwanî vera sîstemî bi hîşmendîye têkoşîn bikerê, tesîrê sîstemî de nêmanê. Ganî ciwanî fikranê Rayber Apoyî nas bikerê û tewra fikranê ey bibê.''