Rojawan de cinîyî vejîyayî kuçeyan: Xoverdayîşê Cinîyan keno azad

Qamişlo, Kobanê û Şehba de bi wesîleya 8’ê Adere Roja Cinîyan a Mîyanneteweyîye cinîyî vejîyayî meydanan.

Rojwanê Kurdistanî de cinîyî seba pîrozkerdişê Roja Cinîyan vejîyayî meydanan. Cinîyan şexsê Leyla Guvene de xoverdayîşê grevê vêşanîye silam kerd û mesajê xurtkerdişê mucadeleyî dayî.

QAMIŞLO

Qamişlo de  cinîyê ke her hetê Herêma Cizre  ra meyî pêser Roja Cinîyan a Mîyanneteweyîye pîroz kenê. Aktîvîte de ercnayîşê Rayberê Şarê Kurdî Abdullah Ocalanî yê 8’ê Adare dîyayî goştarîkerdene. Program  bi qiseykerdişan ê cinîyan  do dewam bikero û grobê muzîkî yê Kevrana Zêrîn zî bi deyîranê xo rengê xo do bidê şayî.

KOBANÊ

Herêma Firatî de zî cinîyî seba şayîya 8’ê Adere Meydanê Cinîya Azade yê Kobanê de ameyî pêser û ver bi Meydnanê Şehîd Egîtî dest bi rayraşîyayîşî kerd. Cinîyanê ke pankartê‘ Xoverdayîşê Cinîyan keno azad‘ kiriştêne sloganê azadîye eştî.  Aktîvîte de do  Îlham Ehmede û bi nameyê Kongreya Starî qisekerdişî bêrî kerdene.

ŞEHBA

Şehba de zî şayîya 8’ê Adare bi rayraşîyayîşêk dest pêkerd. Bi seyan cinîyan bi reng û vengê xo vejîyayî meydanan û bi sloganan  xoverdayîşê grevê vêşanîye silam kerd û azadîya Ocalanî waşte. Aktîvîte do bi qiseykerdişan û muzîkî dewam bikero.