Amed de 16ê hezîrane de 4 rojnamegerê cinîyî ameybî tepiştene. Çar cinîyan seba Edîtora Kovara Jineolojî û Endama Merkezê Cigêrayîşî yê Jineolojî Nagîhane Akarsela ke Silêmanî de hetê dewleta tirke ra amebî qetilkerdene eşkerayîyêka hempare daye.

Mudira Xeberan a JINNEWSî Safîye Alagaş, Remzîye Temel, Neşe Toprak û Elîge Gungor bi rayîrê avûkatanê xo seba Akarsel mesajêk şawit. Mesaj wina yo:

''Ma sey rojnamegeran ê cinîyan qetilkerdişê Nagîhane şermezar kenê. Qetilkerdişê aye hem vera têkoşînê cinîyan hem zî vera xebetanê Jineolojî hêrişêk o. Ma sey cinîyan naye zanenê. Ma soz danê ke qelema Nagîhane erd de meverdê. Ma keye û embazanê aye rê serweşîye wazenê.''