Semedê Gulîstane Tara û Hêro Bahahîn ê ke hetê dewleta tirke ra Silêmanî de ameyî qetilkerdene, 8ê êlule de Koln de do merasîmê yadkerdişî bêro kerdene. Yeno pawitene ke pîya bi merdiman û embazanê Gulîstane Tara do xeylêk kurdîstanijî tewrê merasîmî bibê.

Semedê tewrbîyayîşê merasîmê yadkerdişî yo ke hetê ROJIN, Înîsîyatîfê Rojnamegeranê Kurdîstanî  û Yewîya Cinîyan ê Kurdan a Almanya (YJK-E) ra yeno organîzekerdene, ame vengdaye.

Vengdayîşî de wina ame vatene: Dewleta tirke û hemkarê ci PDK semedê nimiitşê bazarîyanê xo yê leyminan rojnamegerî hedef girewtî. Ma do semedê yadkerdişê embazanê xo yê ke semedê heqîqetî bîyî bêmerg û semedê wayîrvejîyayîşê têkoşînê înan 8ê êlule de yenê têhet. Ma veng danê dezgehanê çapemenîye û şarê kurdî û dostanê xo ke wa terê merasîmî bibê.

Merasîmê yadkerdişî do 8ê êlule, saete 13:00 de adresê Schlodderdicher Weg 48A, 51469 Bergisch Gladbach de bêro kerdene.