29ê teşrîna peyêne de operasyonê qirkerdişê sîyasîyî yê vera aktîvîstanê TJA de Amed, Îstanbul, Îzmîr, Mûş, Agirî, Dîlok û Sêrt de sereştişê keyeyan de 20 cinîyî ameybî destbendkerdene. Cinîyî badê 4 rojan pê îdîaya ‘endamîya rêxistene’ Anqara de vejîyeyî mehkeme.

Cinîyan ra Figene Aras, Figene Ekti, Mekiye Ormanci, Didare Çeşme, Bedia Akkaya, Hatice Gungor, Hulya Kinagu û Gulîstane Dehşet ameyî tepiştene.

Yelize Ayyildiz Kiyak, Hulya Taşar, Zekiye Guler, Sultane Esen, Merale Şimşek, Zeynepe Boğa, D.A., Merve Tekin Demirel, Hazale Aras, Aysele Ceylan, Beritane Canyaş, Tamcihan Çelebi û Hatîce Aya ke  Amedî ra pê sîstemê SEGBİSî tewrê mehkeme bîye, pê şertê hepsê keyeyî serbest ameyî veradayene.