Amed de serkêşîya TJA û Meclîsê Cinîyan ê DBPyî de Meydanê Îstasyonî bi şîarê ''Nîjadperestîye û cînsîyetkarîye rê bes o, nika wextê azadîya cinîyan o''  mîtîngêk ame kerdene. 

Mîtîng de Hemsereka DBPyî Salîha Aydenîze qisey kerd û vat: ''Dêrsimî ra heta Amedî, Botanî ra heta Serhedî cinîyî ewro tîya de payan ser o yê. Ganî bizanîyo ke cinîyî qetî apey gamêke nêerzê û vera îqtîdarî sereyê xo nêarê war. Reng û tîlîlîyanê cinîyan rê tehamul nêno kerdene. Çunke ê azadîya cinîyan ra tersenê. Zanenê ke se beno wa bibo cinîyî qetî rêxistinîya xo û waranê xo ra fek vera nêdê. Vera her tewirê ablûqa cinîyî do xo ver bidê.''

Aydenîze qiseykerdişê xo de bale ante tecridî ser û vat: ''Tedaya nikayêne tecrîdî ra ya. Eke vengê Birêz Ocalanî berz bibo demokrasî do aver şora. Vengê ey do haştîye bîyaro. Îqtîdar demokrasî û azadîye ra terseno. ewro kesê ke Kurdîstan de gêrenê qala muxatabîye kenê. Ma hertim var ke muxatab eşkera yo. Muxatab Birêz Ocalan o.''

Aydenîze peynîya qiseykerdişê xo de îfade kerd ke semedê yewîya kurdan veng da. Mîtîng pê tîlîlî û govende qedîya.