Yewîya Cinîyanê Elewîyan a Demokratîke û Federasyonê Elewîyan ê Demokratîkî bi eşkerayîyêka nuştekîye seba rayraşîyayîşê 11ê çeleyî yê Parisî vengdayîşê tewrîyayîşî kerd.

Eşkerayîye de şorişgêrê kurdî yê ke Paris de ameyî qetilkerdene Sakîne Cansiz, Fîdane Dogan û Leyla Şaylemez ameyî yadkerdene û wina ame vatene: "No qirkerdiş seba komelê elewîyan Terteleyê Dêrsimî ra, Qirkerdişê Mereşî, Çorumî, Madimakî û Gazî ra cîya nîyo."

Eşkerayîye de seba hesabpersayîşê qirkerdişî vengdayîş ame kerdene ke her kes 11ê çeleyî de Paris de bibo.