Serrgêra şehadetê Nagîhane Akarsel de Raportorê Taybetî yê Îfazanê Keyfîyan ê Neteweyanê Yewbîyayeyan Gihan Indragupthayî reyde pêvînayîş ame kerdene. 

Têgêrayîşê Cinîyan ê Kurdan ê Ewropa (TJK-E) , Akademîya Jineoljî û  Înîsîyatîfê Edaletî yê Seba Nagîhane Akarsel raportorê  Neteweyanê Yewbîyayeyan Gihan Indragupthayî reyde pêvînayîş kerd û mektûbo ke bi seyan akîvîst, sîyasetmedar, rojnameger roşnvîran îmza kerd, teslîmê ci kerd.

Heyet de hemsereka Waqfê Danielle Mitterandî Agnès Golfier, aktîvîsta Merkezê Jineolojî yê Brukselî Sarah Marcha, aktîvîstê Têgêrayîşê Cinîyan ê Kurdan ê Swîsre (YJK-S) Sultane Şafak û Ozleme Oztürk ca girewt.

Heyetî badê pêvnayîşî eşkerayîye daye û  vîst vîrî ke qetilkerdişê Nagîhane Akarsel serrêke xo dima verdaye la hema zî kiştoxan ra hesab nêameyo persayene. Heyetî mektûbo ke 51 welatan de hetê 321 kesa û dezgehan ra ameyo îmzakerdene da Raportorê Taybete ya Îfazanê Keyfîyan ê Neteweyanê Yewbîyayeyan Gihan Indraguptha ke wa bido Sekreterê Pêroyî yê NYyî António Guterresî. 

Mektûb de ame waştene ke wa berpirsîyarê  cînayetê Nagîhane Akersel û heme cînayetanê sîyasîyan bêrê muhekemekerdene û mehkumkerdene.

Înîsîyatîfî vîst vîrî ke Sersefîrê Iraqî yê dewleta tirke Ali Riza Guneyî îtîraf kerd hêriş hetê MÎTî ra ameyo kerdene û vat hema zî semedê tepiştişê kiştoxî û hêzê ke peyê ci de vejîyê werte gamêka huqûqîye nêerzîyaya.

Înîsîyatîfî veng da dezgehanê mîyanneteweyî ke wa tedbîran lezabezan bîgêrê û waştişê xo wina rêz kerdî:

• Wa berpirsîyarê cînayetê Nagîhane Akersel û heme cînayetanê sîyasîyan bêrê muhekemekerdene û mehkumkerdene.

• Wa meydanê teyarayan ê Iraq û Sûrîye teyarayanê şerî û wesayîtanê bêmerdiman ê hewayî yê dewleta tirke rê bêrê qefilnayene.

• Wa şirê Tirkîya ser ke hêrişanê xo yê îşxalî yê vera çar leteyanê Kurdîstanî û cînayetanê sîstematîkan ê vera cinîyan û pawitoxanê heqan  vindarno 

•Erdogan û hukmatê AKPyî seba ke çarçeweya huqûqê mîyanneteweyî de sûcê şerî û sûcê merdîye kerdî wa bêrê muhakemekerdene.

Mektûb do pîya bi Cenevre teslîmê dezgehanê Neteweyanê Yewbîyayeyan ê Beyrut, Qamişlo, Memxûr û Strasbourgî zî bibo.

Tay îmzakerdoxê mektûbî wina yê:

Hevseroka Weqfa Danîele Mîtterand û alîkara dîrektor Agnes Golfîer, Dayika Plaza de Mayo Nora Cortînas, Rêxistina Rojnamevanên Sînoran Nas Nakin, Komeleya Jinên Şoreşger a Efxanistanê (RAWA), Şaredara Barselonayê Ada Colaû, Adrîana Gûzman Arroyo, parlamentera berê ya Swêdê Amîne Kakebaveh, ekonomîsta Avûstralyayî û civaknas Arîel Salleh, lîdera jinên herêmî ya Gûatemalayê û parêzvana mafên mirovan Aûro Lolîta Chavez Ixcaqûîc, akademîsyena nivîskar a Başûrê Kurdistanê Choman Herdî, wezîfedara fêrkirinê û pispora dîroka devkî Dr. Parwîn Noory Arîf, nivîskara Îngilîz û Seroka Southall Black Sisters Rahîla Gûpta, aktîvîsta femînîst a Arjantînî Claûdîa Corel, li ser navê Tifaqa Jinên Navneteweyî (IWA) Conî Ledesma, rojnamevana DYE’yî Debbîe Bookchîn, seroka Weqfa Pêşveçûnê ya Gandhî ya Efrîqaya Başûr Ela Gandhî, berdevka mafên herêmî ya Marîchûy a Meksîkayê Marîa de Jesûs Martînez, nivîskara Îranî, akademîsyen Prof. Shehrzad Mojab