Gerîlayê YJA Starî vanê, ''Hedefê ma yo esasî o yo ke nê payîzî de ma heme qilan ke artêşa tirke tede xo ca kerdo, pak bikerê.''

Gerîlayê ke Herêmanê Pawitişî yê Medya de têkoşîn kenê, têna cewabê hêrişanê îşxalî nêda, eynî wextî de mewzîyê xo xurtêr kerdî, derbeyê girdî dayî artêşa tirke ro. Emser bitaybetî gerîlayê cinîyî yê ke Warê Xoverdayîşî yê Şehîd Delîlî yê Rojhelatê Zapî de şer kenê, operasyonê şorişgêrî de zî, yo ke bi ameyîşê payîzî ame kerdene, sey serkêşî ca girewt.

Gerîlayê YJA Starî keşîfî ra heta hazirîye, plankerdişî ra heta serşîyayîşê dişmenî heme merhaleyanê operasyonê şorişgêrî de ca girewt. Gerîlayê cinîyî yê ke grûbanê ke şiyî leşkeranê tirkan ser, mîyanê înan de ca girewt, eynî wextî de grûbanê suîqastî ra heta grûbanê çekanê giranan tewrê heme war û branşanê tîmanê gerîlayan bîyî.

Gerîlayê YJA Starî yê ke operasyonê Warê Xoverdayîşî yê Girê Amediyê de ca girewt, gama ke verê çalakîye hazirîya xo kerdêne ANFyî rê nê vatî: ''Ma pê embazanê xo  sereberz ê  ke tunelanê şerî de xover danê. Xoverdayîşê înan semedê ma çimeyê hêzî yo tewr pîl o. Coka ma do ewro qilanê ke dewleta tirke kena ke îşxal bikero û embazê ma tede xover danê, ma do vera nê qilan çalakîyan bikerê. Deynê ma yê şehîdan, şar û Rayberîya ma, xerîteya rayîrê ma ya. Nê semedî ra hedefê ma yo esasî o yo ke nê payîzî de ma heme qilan ke artêşa tirke tede xo ca kerdo, pak bikerê. Ma pê bawer ê ke do heme çalakîyê ma serkewte bê.''