Platformê Ma Do Qetilkerdişê Cinîyan Vindarnê (KCDP) raporê xo yê şîdetê camêrdan ê vera cinî û qijan ê Serra 2019î eşkera kerd. Goreyê raporî 474 cinîyî ameyî qetilkerdene.

Platformî bale ante ser ke qirkerdişê vera cinîyan her serre zêdîyeno  û vat îdarê sazî û dezgehanê dewlete semedê caardişê qanûnê hûmara 6284î û Peymana Îstanbulî çîyêk nêkenê. Eke ê zî sey cinîyan semedê naye têbigêrayêne şîdetê vera cinîyan wina zêde nêbîyêne. Goreyê KCDPyî emser 474 cinîyî hetê camêrdan ra ameyî qetilkerdene. Rapor de ame vateneke keye, kuçe her ca de bi hawayêkê şikdarî merde ameyî vînayenê. Reyna ame vatene ke tayî  qirkerdişî sey xokiştiş û şewat de vêşayîşî ameyî ramotene.