Vakurê Kurdîstanî û Tirkîya serranê peyênan de şîdet û qirkerdişê vera cinîyan zêdîyayî. Wextê janê Korona de reyna qirkerdiş û hêrişî yê vera cinîyan dilab-hîrlab zêdîyayî. Vera nê hêrişan mucadeleyê cinîyan zî bêmabên dewam keno.

Goreyê doneyanê Platformê Ma do Kişîyayîşê Cinîyan Vindarnê serra 2020î de  300 cinîyî ameyî qetilkerdene û 171 cinî zî bi tewirê şikdarî merdî.

Goreyê Jin Newsî par tewr tay 332 cinîyî  33 domanî ameyî qetilkerdene û 110 cinî zî bi tewirê şikdarî merdî. 49 domanî zî raştê îstîsmarê cinsî ameyî.

Rojanê verênan ê 2021î de zî tewr tay 6 cinî hetê camêrdan ra ameyî qetilkerdene.

Qezaya Yildirimî ya Bursa de 1ê çeleyî de  Fahrî K.yî Selma Taşkomur pê çeke qetil kerde.

Kirşehîr de 2ê çeleyî de cinîya bi nameyê Î.V. keyeyê xo de merde ameye dîyene ke bi çeke ameye qetilkerdene.

Bodrum de 3ê çeleyî de cinîya bi nameyê Kristîna Novytska keyeyê xi de qetilkerde ameye dîyene.

Isparta de 3ê çeleyî de Gulsume Dogan daristan de qetilkerde ameye dîyene.

Mamakê Anqara de Sevgî Tekîn  4ê çeleyî (ewro) hetê Gokhan Agtaşî ra ameye qetilkerdene.

Çorum de cinîya bi nameyê Aslihane Dal hetê mêrdeyê ci Polat H.yî ra bi ameye qetilkerdene.