Herêma Kurdîstanê Federalî de Yewîya Cinîyan a Kurdîstanî, avûkat û cinîyanê aktîvîstan pîya Hola Tewarî ya Silêmanî de eşkerayîya çapemenîye daye û înan 'hewteyê vergirewtişê şîdetê vera cinîyan' da destpêkerdene.

Goreyê xebera Nûjinha dima ke kesê ke Çemçemal de di wayê bi nameyê Awarê û Hêlînî qetil kerdbî, vera dîyayî kampanya dîyaye destpêkerdene. Yewîya Cinîyan a Kurdîstanî venga pêro cinîyan da ke tewrê kampanya bibê. 

Se bibi?

Taxa Şoreşî ya Silêmanî de 6ê êlula 2020î de cenazaya di wayan Hêlîne û Aware  ameybî dîyene. Rixmo ke faîlo verên  kesê bi nameyê Helemetî bibi babîyê ey F.E.Ş. 7 mengan ra dima adara 2021î de teslîmê asayîşî bibi. 17ê nîsana 2021î de mehkeme de faîlî vera dîyayî. 

Netîceya mehkeme raştê xeylêk nêrazîbîyayîşan ameye.