Gerîlayanê YJA Starî Xwînda Kobanê û Esma Amed bi wesîleya serrgêra şehadetê fermandaranê pîlan ê PKKyî ra Bêrîtane (Gulnaze Karataş) ANFyî rê qisey kerd.

Gerîlaya YJA Starî Xwînda Kobanê: Ma çend qala şehîdanê şorişî bikerê zî kêm maneno. Ma pê sereberz ê ke ma fermandara ma ya pîle Bêrîtane reyde eynî artêşe de ca genê û semedê eynî dewa têkoşîn kenê. Gama ke ma qala Bêrîtane kenê verî tewirê ci yo Apoyî yê vera dişmen û hemkaranê ci yeno vîrî. Embaze Bêrîtane bi çalakîya xo hem komelê kurdan de hem zî têgêrayîşê azadîye de cuyeyêka newî afirnaye. Cinîyê ke keyeyê xo ra nêvejîyenê bi na çalakîye bîyî wayîrê îradeyî. Roja ma de nameyê bi hezaran kênayan Bêrîtan o û înan ra bi seyan verê xo dayo koyanê Kurdîstanî. Artêşa cinîyan YJA Star ewro bi ruhê Bêrîtane koyanê Kurdîstanî de têkoşîno bêhempa rayra bena. Ma do xeta hemraya Bêrîtane de têkoşînê xo xurtêr bikerê.

Gerîlaya YJA Starî Esma Amed: Embaze Bêrîtane bi çalakîya xo xeta Rayber Apoyî esas girewt û xeta îxanetî serûbin kerd. Na xeta ke şehîde Bêrîtane ma rê sey mîrasî verdaye eynî wextî de xeta azadîye ya. Koyanê Kurdîstanî de xeylêk hemrayê ma nameyê Bêrîtane genê û rêça aye de şinê. Ewro hemrayê ma mewzîyanê şerî de xeta Bêrîtane de têkoşîn rayra benê.

Hemra Bêrîtane bi çalakîya xo cinîyan rê bîye nimûne ke cigêrayîşê azadîye de yê. Xeylêk kesê ke binê tesîrê xeta xoverdayîşî ya Apoyî ya embaze Bêrîtane de mendî, verê xo da koyanê Kurdîstanî. Hemra Bêrîtane têna Kurdîstan de nê xeylêk cayanê dinya de bîye hêvîya cinîyan ke têkoşînê azadîye danê. Cinîyan bi çalakîya aye hêzê xo dî û bîyî wayîrê îradeyî. Coka ma cinîyî deyndarê Bêrîtane yê.