Gerîlayanê YJA-Starî bi wesîleya serrgêra 32ine ya şehadetê Fermandare Bêrîtane ANFyî rê qisey kerd.

Gerîla Bêrîtane Efrîn vat: ''Embaze Bêrîtane bi tewirê xo yê xoverdayoxî serdestîya mezgê camêrdan tarûmar kerd. Çalakîya aye ya vera xeta xayînan ma rê nimûne ya. Ma zî ewro rêçê aye de şer kenê. Xêrê çalakîya Bêrîtane û kedanê Rayber Apoyî ra ewro ma wayîrê artêşa cinîyan ê. Têkoşînê ma xeta Bêrîtane de qetî do ser bikewo.

Gerîla Şîlane Umît vat: ''Şexsê embaze Bêrîtane de cinîyan nasname, hêzê xo yê têkoşînî, cesaret û kesayetê xo şinasnayî. Aye nasnameyê xoverdayîşî temsîl kerd. Cinîyê ke wazenê azad bibê ganî artêşa xo ronê. Sîstem zaneno ke cinîyê ke hêzê xo şinasnenê do bin nêkewê. Nasnameyê cinîya azade artêşbîyayîşê cinîyan de nimite yo.''

Gerîla Rûkene Koçer vat: ''Embaze Bêrîtane vera vengdayîşê teslîmîyetî yê dişmenî bi sloganê 'Bijî Serok Apo' cewan da û xo kendal ra eşt war. Embaze Bêrîtane bi tewirê xo bingeyê artêşbîyayîşê cinîyan awan kerd. Ma koyan de kenê ke xeta fedayîye ya embaze Bêrîtane aver berê.''