Derheqê babete de ofîsa Cinîyê Mucadelekerî yê Ciwanî ya Silêmanîye de eşkerayîya çapemenî amî vilakerdene. Eşkerayî hetê Şinar Kerîme ra amî wendene. Şinare vat: „cinî sey malêkê modernîteya kapîtalîste yena şuxulnayene, na yewe ra gureyê ma hemine yo ke ma hemverê heme  hêriş û kiştişan de vejîyê. Sey cinîyê Başûrê Kurdistanî ganî ma reaksîyonê xo ramojnê.“  

Şinare ard ziwan ke tewro tewr rind mucadeleyê azadî yê cinîyan o û vat: ''Gama ke cinîyî xo organîze kenê benê wayîrê hêzê vurayîşî û no heme prosesanê tarîxî de ameyo îspatkerdene. Eke cimat de cinî raştê şidet û zextî yena ganî cinîyê ciwanî xo organîze bikerê. Ma veng danê cinîyanê kurd, ereb, suryanî, kakeyî, êzidî û tirkmenan ke tewrê konferansî bibê.“