Endama Konseya Rayberdişî ya KJARî Sînore Gelawêj bi wesîleya serrgêra Serewedaritişê Jin, Jiyan, Azadî yê 2022yî ANFyî rê qisey kerd.

Sînore pare kerd ke dewleta Îranî şarî meseleyan ra mesuldar vîneno, cinîyan mîyanê komelî de asteng kena û cinîyan waranê komelkî, cuye û sîyasîyan ra dûrî fînena.

Sînore vat: ''Dewleta Îranî bi pêro hêzê xo hêrişê cinîyan kena û cinîyî vera ney têkoşînê xo rê dewam kenê. Seba cinîyan serewedaritişê Jin, Jiyan, Azadî bi hêvîya xelisîyayîşî. Coka cinîyî bi xurtî tewrê serewedaritişî bîyî.

Rejîmê Îranî tim seba ke vengê xoverdayox û muxalîfan bibirno îdamî sey hacetêkî şuxilna. La komel verê nê tedayan de qetî sereyê xo nêard war. Têgêrayîşê ma vera nê îdaman kampanyaya 'Dardekerdişî rê ney, cuya azade rê he' daye destpêkerdene. Bi na kampanya ma armanc kenê ke vengê cinîyan biresnê her cayî û têkoşînî zî vilayê her cayî bikerê.

Rixmê hende teda û hêrişan zî cinîyan qetî serkêşîya komelî û têkoşînî ra fek vera nêda. Seke Rayber Apoyî vatbi, na seserra do biba seserra azadîya cinîyan. Serewedaritişê Jin, Jiyan, Azadî zî îsbatê ney o.''