Şaristanê Zurihî yê Swîsre de cinîyê şorişgêrî Sakîna Cansiz, Fîdane Dogan, Leyla Şaylemez ê ke 9ê çeleyê 2013î de Paris de amebî qetilkerdene, Sêvê Demîr, Fatma Uyar û Pakîzê Nayîr ê ke 5ê çeleyê 2016î de Silopîya Şirnexî de amebî qetilkerdene û gerîlaya HPGyî Zeynepe Baytar (Devrîme Andok) a ke 10ê êlula 2019î de Cîlo de şehîd bibî ameyî yadkerdene.

Bi seyan kesî tewrê merasîmê yadkerdişî bîyî. Yadkerdiş de nameyê Yewîya Cinîyanê Kurdan a Swîsre ser o Songule Arslan qisey kerd û vat: ''Vatişê 'Cinîye, Cuye, Azadîye' yê ke bi paradîgamaya rêzdar Ocalanî ewro dinya de bîye sembolê têkoşînê cinîyan. Qirkerdişê ke yenê kerdene vera têkoşînê estbîyayîşê cinîyanê kurdan ê."

Yadkerdişî de derheqê Sakîne Cansiz, Fîdane Dogan û Leyla Şaylemez de sînevîzyonêk ame mojnayene.