Zîndanê Bunyanî yê Kayserî de binpaykerdişê heqan dewam kenê. Tewr tay 12 cinîyî heman koxûşî de yenê tepiştene. Cinîyan bi rayîrê telefonî keyeyanê xo rê qala binpaykerdişan kerd.

Tepişteyan ra Sîneme Oguz (27) bi rayîrê telefonî waya xo Cemîle Oguz reyde qisey kerd. Sîneme ard ziwan ke vîrusê Korona ra dima heqê qiseykerdişê bi telefonî bi hewte de di reyan la no heq zî bi bahaneyan yeno astengkerdene. Cemîle Oguz vat: '' Waya mi vat ke 6-7ê embazê ci yê ke wextê înan ê tepiştişî qedîya, vera nêdîyenê. Ma weşîya înan ra qerqilîyenê. Waya mi vat: 'Ma ewro weş ê la nêzanenê ke siba do weş bimanê yan nê.' ''

Cemîle Oguz pare kerd ke waya ci binpaykerdişê heqan ser o nê zanayîşî dayî: ''Janî ra ma nêeşkenê pêvînayîşê têrîyî bikerê. 15 gardîyanan odayanê ma de cigêrayîş kerd û eşyayê ma serûber kerdî. Ma îdareyê zîndanî rê na rewşe vat la înan var ke fermanê Wezaretê Edaletî yo. 6-7 embazê ma estê ke wextê înan ê tepiştişî qedîya. Embazê ma Şefîka Bîlîcî, Kanîye Agirman, Kadrîye Kulter, Berîvane Bîtmez caardişê keyfî ra nêeşkenê vejîyê teber. Ma muracatê tay cayan kerd la na mesele dewam kena. Serebûtê ke tîya de qewimîyenê, polîtîk ê.''