Tepişteyanê dewaya PAJKî bi eşkerayîyêke seba wayîrvejîyayîşê Rayberê Şarê Kurdî Abdullah Ocalanî veng da. Eşkerayîye wina ya:

''Dewleta tirke 2011 ra nata vera Rayberîye tecrîdêkê sîstematîkî ana ca. Dewleta ke bîya sey çete, dima ke no tecrîd hetê xoverdayîşê zîndanan, gerîlayan û şarî ra ame şiknayene 2014 de Planê Çokdayîşî vist dewre û tecrîd û konspetê îmka kerd polîtîkaya xo. 

Dewlete hedef kena ke îmha bikera esas, xoverdayîşê ma çin bikera û bi îzolekerdişî Rayber Apoyî bida vîrakerdene. Dima ke na polîtîka zî hetê xoverdayîşê gerîlayan û zîndanan ra ameye şiknayene, nika zî Zîndanê Îmraliyî rê mektubê tehdîtî erşawîyenê. Tedeyî û metodê erşawitişî yê nê mektuban zî hetê nuştoxanê ci ra servîsê çapemenîye yenê kerdene. 

Tarîxê ma yê xoverdayîşî çend reyî dewlete rê mojna ke Rayberîye xeta ma ya sûr a. Wa dewlete xo vîr a nêkera ke dormeyê Rayberîya ma de çemberêko adirîn est o û qetî bi Rayberîye ma îmtîhan nêkera. Ma na babete de xeta xoverdayîşî ya PKK-PAJKî visnenê vîrê dewlete û hişyar kenê.

Ma şarê xo zî hişyar kenê ke nê polîtîkayî seba meşrûkerdişê hêrişan yenê kerdene. Ganî ma verê nê kerdişan û hêrişan de hişyar bikerê, pê tewirê xo polîtîkaya AKP-MHPyî pûç bikerê û wayîrê Rayberîye xo vejîyê.''