Se ke yeno zanaye, rêxistinanê cinîyan Taksîm de ’Rayraşîyayîşê Şewe‘ organîze kerdibi û polîsan hêrişê na çalakîye kerdibi. Têgerê Cinîyanê Azadan (TJA), vera nê herişan reaksîyon da û va, “Ma vera îşxalî bêveng nêmanenê, nêtersenê û îtaat nêkenê“.
TJA’yî beyanatêko nuştekî pare kerd û hêrişê vera cinîyan ver reaksîyon da. TJA’yî beyanatê xo de va ‘Ma do mucadeleyî hîna bikê pêt‘ û waşt ke wa her kes vera zîhnîyetê faşîstî xo ver bido.
Beynataê TJA’yî wina yo: ‘‘Cinîyan vera zayendeperestîye, vera netewperestî, mîlîtarîzmî û her qeydê cîyayîye, 8’ê Adare de, meydanê Taksîmî de rayîrşîyayîş organîze kerd û hêzanê dewlete hêrişê nê rayraşîyayîşî kerd. No hêriş vera merdimahîye ameyo kerdene û no sûc ganî sey sûcê rîsîyayîye bêro qebûlkerdene. Taksîm bi hêzanê çekdaran girewto, gaz û gulayê plastîkî ameyî eştenê. Nê hêrişî qetîya nênê qebûlkerdene. Zîhnîyetê camerdîye yê serdestî, 8’ê Adare de Taksîm îşxal kerdo. Ma zî sey cewab vanê heya, zîhnîyeto faşîst heqê cinîyan, bedenê cinîyan, destkewteyê cinîyan îşxal keno. Cinîyî zî vera nê îşxalî, mucadeleyê xo do bêmabên bidê. Ma sey TJA vera pêro tewir îşxalan vejînê û no derheq de mucadeleyê xo domnenê. Ma vera îşxalî bêveng nêmanenê, îtaat nêkenê. Ma bi vindertişê xo yê Cinî-Cuye-Azadîye xo ver danê û ma do bi nê vindertişê xo bibê serkewte.“
