Têgêrayîşê Cinîyan ê Azadan (TJA) seba serrgêra Qirkerdişê Parisî eşkerayîyêka nuştekîye daye.

Eşkerayîya TJA wina ya:

"Hîrê cinîyê şorişgêrî Sakîne Cansiz, Fîdane Dogan û Leyla Şaylamez ê ke 9ê çeleyê 2013î de Qirkerdişê Parisî de ameyî qetilkerdene înan têkoşînê vera hişmendîya bandûrîya camêrdan û têkoşînê seba cuya azade û têdûşte geş kerd. Sakîne Cansiz vera hişmendîya pederşahîye ya feodale ya ke wazena cinîyan bikera kole gonîya xo rijnaye û nasnameyê cinîyan ê azadan awan kerd. Fîdane Dogan xîret kerd ke têkoşînê azadîye yê şarê kurdî û cinîyan pêro dinya de bêro şinasnayene. Leyla Şaylemeza ke merkezê kapîtalîzmî de bîye fedaîya ciwanan ê cuya demokratîke."

Eşkerayîya TJA de Sêvê Demîr, Pakîze Nayir û Fatma Uyar ê ke 4ê çeleyê 2016î de hetê dewleta tirke ra Silopî de ameyî qetilkerdene ameyî yadkerdene. TJA tewr peynî de wina vat: "Pêro cinîyê şorişgêrî yê Kurdîstanî xo ver danê, rayîrê embazan Sara, Rojbîne û Ronahî ser o şinê û tarîye kenê roşnîye. Ma zî do rayîrê Sarayan şorê û 9ê çeleyî xo vîrî ra nêkê û nêdê vîrkerdene. Ma embazan Sara, Rojbîne û Ronahî bi heskerdişî û mînetdarî yad kenê. Ma venga pêro cinîyanê kurdan û şarê kurdî danê ke 9ê çeleyî de Roja Çalakîya Hempare ya Mîyanneteweyîye ya vera Kiştişanê Cinîyan ê Sîyasîyan berpirsîyarîya xo ya tarîxîye bîyarê ca."