Têgêrayîşê Cinîyan ê Kurdan ê Fransa (TJK-F) derheqê Festîvala Cinîyan ê Kurdan a 6. de eşkerayîyêka nuştekîye daye.

Eşkerayîye de wina ame vatene: ''10 serrî verî hîrê cinîyê şorişgêrî yê kurdî Sakîne Cansiz, Fîdane Dogan û Leyla Şaylemez ameyî qetilkerdene. 23yê kanûne de hunermend Mîr Perwer, Abdurrahman Kizil û Emîne Kara (Evîne Goyî) ameyî qetilkerdene. Ma 10 serrî yo têkoşînê raştîye û edaletî kenê. Parçeyê têkoşînê ma ra yew zî Festîvala Cinîyan a Fîdane Dogan a. Ma emser festîvale dîyarîya Evîne Goyî kenê. Festîvala ma ya emserîne 18ê hezîrane de bi şîarê 'jin, jiyan, azadî' Meydanê Stalingradî de, do bêra kerdene. Ma venga pêro cinîyan danê ke bi hawayêkê xurtî tewrê festîvale bibê.''