Endama Komîteya Rayberdişî ya PKKyî Hêlîne Umît beşdara 'Bernameyê Taybetî' yê Medya Haber TVyî bîye û bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan qisey kerd.

Qiseykerdişê Hêlîne Umît ra tay noqtayê girîngî wina yê:

''Ez serrgêra 45. ya ronîyayîşê PKKyî fîraz kena. PKKyo ke serkêşîya Rayber Apoyî de ronîyabi 45 serrî yo bêmabên seba azadîya şarê ma têkoşîn keno. Rayber Apo zî vera sîstemê tecrîd û îşkenceyî yê Îmraliyî 25 serrî yo mîyanê xoverdayîşî de yo. Ez venga pêro kesan dana ke bi wesîleya ronîyayîşê partîya ma sîstemê Îmraliyî bişiknê û Rayber Apoyî azad bikerê.

Dinya vurîyaya warêko winayên ke tede serdestîya camêrdan ra cuya cinîyan zehmet bîya. Her ca de vera cinîyan şîdet est o. Labelê merkezê nê şîdetî est o. Merkezê ney de dewlete, îqtîdarî û kapîtalîzm est ê. Beden û estbîyayîşê cinîyan destpêkê merdimatîye ra nata yenê qijdîyene, kêmdîyene.

Ewro pêro dinya de, bi taybetî Rojhelatê Mîyanênî de şerê giranî est ê. Coka ganî şîdetê vera cinîyan û têkoşînê vera nê şîdetî ganî tim rojdem de bibê. Ganî teyna 25ê Teşrîna Peyêne de ney her roje qala têkoşînê vera şîdetî bêra kerdene. Cinîyî hewceyê têkoşînê rêxistinbîyayeyî yê. Ganî cinîyî kom bibê û vengê xo berz bikerê.

Ganî cinîyî bibê ê xo. Ganî cinîyî wayîrê yewbînan vejîyê. Babîyê ma zî bibo, camêrdêko ke ma tira zaf hes kenê zî bibo ganî camêrdêk derheqê cinîyan de birêke nêdo. Şert o ke cinîyî sîstemî ra abirîyê û xo bi hawayêkê cîyayî rêxistin bikerê. Cinîyî çend ke xo xoser bikerê hende xo şinasnenê û benê wayîrê îradeyî.

Ma qala raştîyêka winayêne kenê ke seke bîya vergêk. Medenîyeto nikayên camêrd o, sîyaset camêrd o, artêşan de camêrdî serdest ê. Her çi dişmenê cinîyan o. Yanî cinîyan ra rayîrê xorêxistinkerdiş û yewbîyayîşî ra ber rayîrêko bîn çin o. Partîya ma xo nê esasî ser o awan kerd. PAJK cinîyanê dinya rê bîye mîsal û modelêk. Sere de cinîyê kurdî ma venga pêro cinîyanê dinya danê ke na serkêşîye hol bişinasnê, bi raştî tewrê ci bibê û vera sîstemê serdestîya camêrdan têkoşîn bikerê.''