Unîversîteya Îlles Balearsî yê Palma de Mallorca yê  herêma xosere ya Gravanê Balearî yê Îspanya de mabênê tarîxanê 1-2ê kanûne de 4 semînerê cîyayî yê jîneolojî ameyî kerdene.

Semînerî pê paştdayîşê Ofîsê Hêzdarkerdişê Hemkarîye yê Unîversîte, çarçeweya  projeyê hemparî yê wezîfedaranê musanyîşî yê unîversîte û Merkezê Cigêrayîşî yê Jîneolojî ameyî kerdene.

Têgêrayîşê Cinîyan ê Kurdan ra Gonul Kaya û Haskar Kirmizigul  û Endama Merkezê Cigêrayîşî yê Jîneolojî Clara Torres sey qiseykerdogan semîneran de ca girewt.

Semîneranê di rojan de  perspektîvê tarîxê têgêrayîşê cinîyan ê kurdan ra medotê perwerdeyî yê alternatîfî ameyî destgirewtene. Wezîfedaranê beşanê Felsefe û Perwerdeyê Komelkîyî yê Unîversîte zî semînerî goştarî kerd.