Reportora Taybete ya Sebeb û Netîceyanê Şîdetê Vera Cinîyan ê Neteweyanê Yewbîyayeyan (NY) Reeme Alselam raporê xo yê  şîdetê vera cinîyan ê Tirkîya çarçeweya Roniştişanê Heqanê Merdiman ê 53ine  yê Konseya Heqanê Merdiman a Ofîsê Cenevre yê NYyî de weşana.

Reportora Taybete  Reeme Alselamî raporê xo yê 19 pelan de cayo taybet da şîdetê serê cinîyan ê kurdan û bale ante hêrişanê leşker û polîsanê tirkan ê vera cinîyan ê kurdan û PKKyijan ser.

Rapor de wina ame vatene: ''Cinîyê kurdan bitaybetî binê rîskî de yê. Cinîyê kuran rîyê nasname û ziwanê xo ra raştê şîdetî yenê. Heqê înan yenê bipaykerdene. Reyna şerê vera PKKyî de zafê înan cinîyî kurdê sîvîlî yenê qetilkerdene û raştê şîdetê cînsî yenê. Reyna cinî û kênayê kurdan tim raştê tacîz û tehdîtan yenê. Zafê înan bi hewayêkê keyfî yenê destbendkerdene muhakemekerdişanê nehaqan de rî bi rî manenê. Coka ma semedê cinîyan ê kurdan qerqilîyenê.''

Reportora Taybete  Reeme Alselamî veng da ke wa hêrişê artêşa tirke yê vera cinîyan ê kurdan bêrê cipersayene û nê vatî: ''Şîdetê cînsî yê vera cinîyan kurdan cibigêrê, ceza bidê berpirsîyaran. Mekanîzmayanê bêhet û zelalan ronê ke wa şîdetê vera cinîyan ê kurdan bê cigêrayene û hêrişkarî bêrê cezakerdene.''