Wan de serkêşîya Têgêrayîşê Cinîyan ê  Azadan (TJA) de Komployê 9ê Teşrîna Verêne yê  vera Rayberê Şarê Kurdî Abdullah Ocalanî ame protestokerdene û semedê tewrbîyayîşê mîtîngê girdî yo ke 13ê teşrîna verêne de do Amed de bêro kerdene ame vengdayene.

Eşkerayîya çapemenîye de ya ke kesê vîjnayeyî yê Serhedî tewrê ci bîyî, sloganê sey “Bijî Serok Apo” û  “Jin Jiyan Azadî” ameyî vatene.

Wekîla DEM Partî ya Wanî Gulcane Kaçmaz Sayyigit komplo şermezar kerd û nê vatî: ''Na herre de bi serran o polîtîkaya şerrî yena rayraberdene. Birêz Abdullah Ocalano ke 26 serrî yeno sey esîrî yeno tepiştene 43 mengî yo tira qet xebere nîna girewtene. Ma do 13ê teşrîna verêne de Amed de semedê Birêz Ocalanî Meydanê Îstasyonî de Mîtîngê Azadîye bikerê. Ma sey wayîrê na herre wazenê wa heme şarî seycîye azad biciwîyê û semedê nê têkoşîn kenê. Eke na herre de haştîye yena waştene , muxatabê nê Birêz Abdullah Ocalan o. Coka ganî tecrîd cade bêro wedaritene. Ma sey cinîyan ê TJA bi hêzê felsefeya Jin Jiyan Azadî do Ame de bi. Ma heme dezgehanê komelê sîvîlî yê ke haştîye û demokrasî wazenê û şarê xo 13ê teşrîna verêne de Meydanê Îstasyonî yê Amedî de pawenê.''