Gerîlayanê HPG û YJA-Starî bi wesîleya serrgêra şehadetê Gulnaze Karataş (Bêrîtan) ANFyî rê qisey kerd.

Gerîla Zîlane Cîlo ard ziwan ke PKK çarçewa felsefeya Rayberê Şarê Kurdî Abdullah Ocalanî de têkoşîn keno û vat: ''Cinîyan azadî û estbîyayîşê xo mîyanê nê têkoşînî de dîyî. Tewrbîyayîşê embaze Bêrîtane reseno raştîya cinîyan ê kurdan û mîrasê têkoşînî yê PKKyî. Asta tewrbîyayîşê aye ma rê bîye mîsal. Embaze Bêrîtane 1992 de şer de serkêşîye kerde û aye îşxalê dewleta tirke û xayînîya PDKyî qebul nêkerde. Serewedaritiş û xoverdayîşê aye ewro zî dewam kenê.Embazê Bêrîtane ewro Zap, Avaşîn û Metîna de têkoşîn kenê, teslîmîyetî û îxanetî qebul nêkenê. Wa PDK zî bizano ke ma do peynîya îxanetê ci bîyarê.''

Gerîla Tamara Wan vat: ''Têkoşînê ma serê xeta Bêrîtane de ver bi azadîye şino. Embaze Bêrîtane qetî teslîmîyet qebul nêkerd û vera îxanetî û îşxalî têkoşîn kerd.  Seke Rayber Apoyî vatbi 'Aya ke şer kena azad bena, aya ke azad bena bena rind, aya rinde yena heskerdene.' Gerîlayê YJA-Starî ewro serê xeta Bêrîtane de vera îşxalê Tirkîya û îxanetê PDKyî têkoşîn kenê. Bêguman na xete do ser bikewa.''

Gerîla Têkoşîne Qerejdax vat: ''1990an de cinîyê kurdî tewrê têkoşînî bîyî. Nînan ra yew zî embaze Bêrîtane bîye. Aye bi xoverdayîşî xeta fedayîtîye mojnaye û bîye sembola xoverdayîşê têkoşînê azadîye. Gerîlayê YJA-Starî ewro çeperan de bi qerardarîya embaze bêrîtane şer kenê û sloganê 'jin, jiyan, azadî' dinya rê vila kenê.  Tîlîlîyê embaze Bêrîtane ê kendalî ra reseno Rojhelatê Kurdîstanî. Ma venga pêro cinîyan danê ke wa bingeyê îdeolojîya Rayber Apoyî de seba awankerdişê cuyêka azade tewrê gerîlayan bibê.''