Dayîke Samîya Dogana 82 serra ke pê welatperwerî û xoverdayîşê xo şinasîyayêne dinyaya xo bedilnaye. Seba aye tezîye şaristanê Kerpenî de roja şemeyî do bêra kerdene û roja yewşemeyî zî şaristanê Durenî de merasîmêk do bêro kerdene.

Kênaya aye Gulçîne Dogan û Rahîme Dogan refanê têkoşînê azadîye de şehîd bîyî. Keyeyê aye seserra 20. de tewrê Serewedaritişê Hacoyî bibi. Seba ke babîyê Samîya Dogan hetê dewlete ra ameyêne cigêrayene ê derbazê bajarekê Tenûrî yê Qamişloyî bîyî. Dayîke Samîya Dogan Vakurê Kurdîstanî de dadîya xo ra bena û keyeyê ci serra 1950î de dewa Hermêsî ya Gercuşî ya Êlihî de cabeno.

A hema 14 serrîya xo de bena 'eşkîya' û pêkewtişê vera dewlete de birîndar bena. Dima seba tedawî şina Rojawanî û tay serran ra dima agêrena. A o çax Xelîlê Sidqî de zewijîyena û ci rê 5 kênayî û da lajî benê. 1984 de şîdetî ra a mêrdeyê xo ver dena û seba ke debara domananê xo bikera şaristananê cîya-cîyayan ê Tirkîya de xebitîyena.

Samîya Dogan wexto ke birazîyê mêrdeyê ci yê verênî Îsmaîl Dogan tewrê gerîlayan beno PKK şinasnena. O çax gerîlayî şinê yenê keyeyê ci û keyeyê aye beno qerargehêkê PKKyî. Coka keyeyê ci beno hedefê teda û îşkenceyanê dewlete.

Verî kênaya aye Gulçîne Dogan (Mizgîne Hêvî) bena gerîla û 1993 de Serêgir de şehîd bena. Şehadetî ra dima keyeyê Samîya Dogan bi zorî dîyeno koçkerdene. Keye koçê Almanya keno. 1995 de zî kênaya aye ya bîne Rahîme Dogan (Agirî Jînê) Ewropa ra tewra gerîlayan bena û 1998 de Cûdî de şehîd bena.

Reyna zaf biarzeyê aye zî mîyanê têkoşînî de şehîd bîyî. Merdimê aye zî hetê JÎTEMî ra serranê 90an de ameyî qetilkerdene.

Dayîke Samîya heta nêweşîya xo ya girane tim Ewropa de tewra çalakîyan bîye. Wexto ke Rayberê Şarê Kurdî Abdullah Ocalan şibi Roma a zî mîyanê koma ke şibi meydanê Celioyî de bîye. A prosesê Komployê Mîyanneteweyî de seba ke şar xo ver bido bîye mîsalêke.

A wextê Qirkerdişê Şingalî, Xoverdayîşê Kobanê û îşxalê Efrînî de bi rojan kuçeyan de mende û seba le rayaumûmîye Almanya û Kurdîstanî bala xo bidê nê serebûtan ser xîret kerd. Turanê otobuse ra heta çalakîyanê verê CPT, Strasbourgî a tewra pêro çalakîyanê seba azadîya Ocalanî bîye.

Qetilkerdişê Sakîne Cansiz, Leyla Şaylemez û Fîdane Dogan a zaf dejnaye. A ê kesan ra yewe bîye ke cade ver bi Parisî kewte rayîr.

Dayîke Samîya Dogan pê keda xo Ewropa de bîye sembolanê welatperwerîye ra yewe.

Samîya Dogan 2ê teşrîna verêne ya 2022yî de şaristanê Durenî yê Almanya de dinyaya xo bedilnaye. Cenazaya ci 6ê teşrîna verêne de Kurdîstan de ameye definkerdene.

Cayê tezîye û yadkerdişî:

15ê Teşrîna Verêne ya 2022yî: Merkezê Kulturî yê Elewîyan Daimler Str. 10, 50170 Kerpen

 16ê Teşrîna Verêne ya 2022yî: Schäfersgraben 3, 52372 Kreuzau/Duren