Koordînasyonê KJKyî bire dabî ke mabênê tarîxê 3yê tebaxe û 15ê tebaxe de bi şîarê 'Ma vera hêrişanê camêrdan ê hegemonan hetê cinîyan ê afgan û Şingalî de yê' kampanyayêke bikerê. Yewinanê Cinîyan ê Şingalî (YJŞ) bi eşkerayîyêke îlan kerd ke ê do paştî bidê kampanya.

YJŞyî eşkerayîya xo de vat: ''3yê tebaxe de vera cinîyanê Şingalî hêrişê barbarî ameybî kerdene û 2 serrî verî heman tarîxî de vera cinîyanê Afganîstanî hêrişê tacîz, tecawuz, qirkerdiş û îşkenceyan dîyayî destpêkerdene. Nê wird hêrişî hetê 'dîndaranê radîkalan' DAÎŞ û Talîbanî ra ameyî kerdene.

Ma bi tecrubeyanê gerîlayanê HPG û yJA-Starî û fikranê Rayber Apoyî xo rêxistin kerd û xopawitiş aver berd. Senî ke hêzê hegemonîkî sûcan ser de paştî danê yewbînan ganî cinîyî zî yew bibê û paştî bidê pê. Xoverdayîşê vera hegemonyaya camêrdan raştîyêka tewr fîraz a.

Îqtîdarê Talîbanî ra nata cinîyê afganî xo ver danê. La no qîm nêkeno. Cinîyî mecbûr ê ke xopawitiş, xoverdayîşê xo aver berê.

Kampanyaya KJKyî coka zaf manadar a. Ma sey YJŞyî paştî danê na kampanya. Ma sey cinîyan ê êzidîyan îfade kenê ke heta peynî xo ver bidê, têkoşînê xo pîl bikerê û rêxistinîya xo bihêzêr bikerê.''