Bi wesîleya 8ê Adare Roja Cinîyan ê Kedkaran a Dinya şerwanê Yewînanê Cinîyan ê Şingaklî (YJŞ) pê konvoyêkî merkezê Şingalî de gêrayî. Şerwanan Goristanê Şehîdan ê Koçoyî zî zîyaret kerd.

Şerwanan dima merasîmêk serûber kerd. Merasîm de Fermandara YJŞyî Axîne Întiqam qisey kerd.

Axîne Întiqam qirkerdişê 3ê tebaxa 2014î vist vîrî û vat: ''A roje ra dima cinîyanê ma xo rêxistin kerd, têkoşînê xo berz kerd. Hêrişê nikayênî yê vera Şingalî zî do hetê hêrsê cinîyan ra bêrê çinkerdene. Cayê ke tede qirkerdiş ame kerdene do bibê cayê ke tede îşxalkeran ra hesab yeno persayene. Planê ke nika vera Şingalî yenê kerdene planê îşxalî yê.  Ma do pê heman tewirî vejîyê verê îşxalkeran. Oyo ke cinîyî rêxistin û wayîrê îradeyî kerdî Rayber Apo yo. Ma 8ê Adare yê Rayber Apoyî, cinîyanê zîndanî, çalakîkeranê grevê vêşanîye û hemreyan fîraz kenê. Çêrê ke grevê vêşanîye de yê ma înan fîraz kenê.''

Qiseykerdişê Axîne ra dima şerwanan goristan de vilikî verdayî û pê konvoyan agêrayî waranê xo.