YPJ: Ma Reqa de dêsê koletîye rijnayî

Fermandarîya Pêroyî ya YPJyî bi wesîleya serrgêra xelisyayîşê Reqa eşkerayîyêka nuştekî da. YPJyî ard ziwan ke dêsê koletîye ameyî rijnayene û azadîya Reqa cinîyan rê biya ûmide.

Fermandarîya Pêroyî ya YPJyî bi wesîleya serrgêra çeteyanê  DAÎŞî ra xelisyayîşê Reqa eşkerayîyêka nuştekî da. Ame vatene ke azadbîyayîşê bajarî serkewtişê îradeyê cînîyan o.

Eşkerayîya YPJyî ra tayî cayî wina yî:

''Şexsê şehîd Zozane, Arîne û Sozdare de pêroyê şehîdê ma ke hamleya Reqa de  têkoşîn da û bi qehremanî tewrê kerwenê şehîdan bîyê, ma înan bi hurmetî yad kenî û sozê berzkerdişê têkoşînî danî.

MA DÊSÊ KOLETÎYÎ RIJNAYÎ

Senî ke yeno zanayene heta 17ê Teşrîna verêna 2017î bajarê Reqa binê îşxalê çeteyanê DAÎŞî de bi.19ê Teştîna verêna 2017î de ma bi eşkerayîya çapamenîye çeteyan ra xelisyayîşê Reqa dabi eşnawitene. Hêzanê ma bi ruhê têkoşînê Kobanê Reqa de zî qesasê şehîdanê şorişê Vakure Surîya girewt û çeteyanê DAÎŞî ra hesabê kerdişanê ci persayî.

Xelisyayîşê Reqa zîhnîyeto faşîst yê sîstemê serdastanî rê zî derbeyêka girde bo. Reqa de yerimê sayî ke hetê çeteyan ra dîyayîbî cinîyan ra ma dirnayî û dêsê koletîye rijnayî. Têkoşînê Reqa xeylî hetan ra cinîyî zî ardê têhet bi sebebê yewbîyayîşê cinîyan û seba cinîyan ê dinya biyo umide.

ŞERWANÊ DÊRA ZORÊ AMEYÎ SILAMKERDENE

Hemrayê ma ke çarçiwaya  Hamleya Firtineyê Cizîrê de Dêra zorê de têkoşîno heybetin danî, ma înan zî silam kenî û ci rê serkewtiş wazenî.''