Fermandarîya Pêroyî ya YPJyî bi eşkerayîyêke şorişgêra enternasyonalîste Elefterya Hambî yad kerde ke 25ê teşrîna peyêne ya 2019î de Garê de şehîd bibî.

Eşkerayîya YPJyî bi kilmî wina ya:

''Şorişgêra enternasyonalîste Elefterya Hambî sey cinîyêka almane vera sîstemê çinkerdişê cinîyan têkoşînêko bêeman kerd. Aye verî ke tewra YPJyî biba Almanya dde vera sîstemê modernîteya kapîtalîste mîyanê komanê anarşîstan de cagirewt. Dima ke Şorişê Rojawanî qewimîya embaza ma Elefterya verê xo da refanê YPJyî. 

A bi kesayetê xo, perwerî û samîmîyetê xo mîyanê YPJyî de bîye îfadeya globale ya dewaya azadîya cinîyan. Embaze Elefterya têkoşînê dewaya Kurdîstanî xo rê kerd esas. Aye her hela cuya xo de xo ver da. Embaza ma Elefterya hemleya binvistişê DAÎŞî de zî bi hawayêkê aktîfî rolê xo ard ca. Aye vera hêzanê tarîyan şerê rûmetî kerd. 

Embaza ma Elefterya têkoşînê vera DAÎŞî ra dima verê xo da koyan. Aye koyanê azadan de bi perwerîya Rayber Apoyî dewaya azadîye bi serkewtişî arde ca û 2019 de koyanê Kurdîstanî de şehîd bîye. Embaze Elefterya pêro sînorê hegemonîkî tarûmar kerdî. Ma sereberz ê ke embaze Elefterya de embazîye kerde. Ma do bi perwerîya şehîdan têkoşînê aye bi serkewtişî tacîdar bikerê. Ma sere de keyeyê aye rê ê pêro kesanê ke wayîrê erjanê azadîye vejîyenê rê serweşîye wazenê.

Seba ma embazê sey Elefterya awankerdişê sîstemê Konfederalîzmê Demokratîkî de do bibê çimeyê esasî.''