Fermandarîya Pêroyî ya YPJyî bi eşkerayîyêke Evîne Goyîya ke Qirkerdişê Parisî yê 23yê Kanûne de amebî qirkerdene yad kerde. Eşkerayîye wina ya:

''Dewleta tirke ya ke pê qirkerdişan kena ke têkoşînê azadîye yê cinî û şaran bişikna dişmena azadî ya. Coka her cinî û merdimo ke seba azadîye ganê xo feda kenê hedefê dewleta tirke yê. Dewleta tirke reyna dişmenîya xo ya vera cinîyan eşkera kerde. Qirkerdişo ke Paris de şexsê embaze Evîne Goyî de ameyo kerdene na raştîye mojneno. Qirkerdiş destpêkê tarîxî ra heta peynî nasnameyê Komara Tirkîya yo.

Embaze Evîne pêro emrê xo seba azadîya cinî û pêro merdiman feda kerd. Aye her cayê Kurdîstanî de seba şarê xo têkoşîn kerd, vera DAÎŞî Rojawan de şer kerd û pêro erkê xo yê welatperwerî ardî ca. Coka rejîmê Erdoganî yê faşîstî a kerde hedef.

Ma sey hêzanê YPJyî nê qirkerdişî şermezar kenê, keyeyanê şehîdan rê serweşîye û birîndaran rê zî şîfaya xeyrîne wazenê. No qirkerdiş şexsê embaze Evîne, Mîr Perwer û Abdurrahman Kizilî de vera pêro kurdana me kerdene. Embaze Evîne eşqê azadîye yê YPJyî ya. Eşqê ci yê azadîye eşqê YPJyî yo. Ma do mîrasê embaze Evîne ser de têkoşînê xo hîna xurt bikerê. Ma soz danê ke qesasê nê cinîyanê ke hetê rejîmanê faşîstan ra ameyê qirkerdene bigêrê.''