Zeynepe Kinaci (Zîlane) 30ê hezîrana 1996î de Dêrsim de çalakîya fedayîye de şehîd bibî. 

Gerîlayanê YJA-Starî Zemyane Denîz û Rûken Feraşîn bi wesîleya serrgêra şehadetê aye ANFyî rê qala şehîde Zîlane kerde.

Gerîlaya YJA-Starî Rûkene Feraşîn vat: Zîlane xeta azadîye ya cinîyan a. Ez hema ke şerwanêka newîye bîya mi Zîlane şinasnaye. Aye bala her kesî antêne, kesayetê aye tesîrê her kesî kerdêne. Zîlane wexto ke Rayberîye şinasnabî, zerrî ra a tesdîq kerdbî. A her hele de fedayî bîye û xeta fedayîye temsîl kena. Çalakîya Mersînî ya embaze Sara û Rûkene mojna de ruhê Zîlane yo fedayî gandar o. Ma sey gerîlayan bi ruhê Zîlane û xeta Zîlane şinê dişmenî ser. Zîlane xeta fedayîtî û azadîye ya.''

Gerîlaya YJA-Starî Zemyane Denîz vat: ''Şehîde Zîlane hem tarîxê PKKyî de hem zî tarîxê şarê kurdî de mîrasêko xoser ver da. Zîlane newe ra zîldayîş o. Mîyanê têgêrayîşê cinîyan ê kurdan de zerrîya her kesî de şitilê neweyî zîl danê. Embaze Zîlane sey nameyê xo hêvîyê neweyî zîl kerdî û bi hezaran Zîlanî afernayî. Sey gerîlayêka YJA-Starî se beno wa bibo ma do na ale her ca de berz bikerê û têkoşînê xo bi nê tecrubeyan hîna xurt bikerê. Nika koyanê Zap, Avaşîn û Metîna de, tunelanê şeerî de xo ver danê û wayîrê têkoşînê Zîlane vejîyenê.''