7 cinîyan ê tepişteyan ê Zîndanê Evîne; Nêrgize Mihemedî, Spîde Qulyan, Eliye Mutelîb Zade, Hestî Emîrî, Nuşîne Cehferî, Behare Hîdayet û Reha Eskerî Zade mektubêk şawit û bale ante ser ke tepişteya sîyasî ya kurde Zeynebe Celalîyan û cinîyê bînî bi mengan o îşkence vînenê.

Mektub de ame vatene ke rejîmê Îranî vera tepişteyan cezaya dardekerdişî sey gefî şuxilnena. Mektub de dîya zanayene ke Spîde Kaşanî û Nîlufer Biyanî yê ke hucreyê yewkesî de tepişîyenê hem îşkence vînenê hem zî raştê gefê dardekerdişî yenê.

Mektub de ame vatene ke Miryem Hacî Hisên, Mehweş Şehiryarî û Ferîba Kemal Abadî zî bi sûcdarîya 'xerîbîya serê erdî' raştê gefê dardekerdişî yenê.

Mektub de qala Zeynebe Celalîyan ameye kerdene û ame vatene ke Zeynebe Celalîyan rixmê îşkenceyan zî xo ver dana û îtîrafkerîye qebul nêkena.

7 cinîyan mektub de vera gefanê dardekerdişî yê rejîmî nêrazîbîyayîşê xo mojna û venga rayaumûmîye da ke wa çalakîyan de bibê wayîrê tewirê vera dardekerdişî.