Berlîn de 6 aktîvîstanê Almanan seba ke bale biancê tecrîdê serê Rayberê Şarê Kurdî Abdullah Ocalanî û grevê vêşanîye yê zîndananê Kurdistanî û Tirkîya û xeylî cayanê dinya no şodir dest bi grevê vêşanîye kerd.

Çalakîya bi şîyarê ''Leyla-Têkoşînê to zerrîya ma de yo'' ameye organîzekerdene û meydanê 'Heînrîchplatzê'' yê qezaya Kreûzbergî ya Berlînî de bi eşkerayîyêka çapemenîye dest pêkerd. Meydano ke konêk ameya akerdene de grevê vêşanîye yê seba 72 saetan dest pêkerd.

Aktîvîstan bale ante serê tecrîdê girankerdeyî yê serê Ocalanî û vat, “Eke tecrîd bêro wedaritene  û prosesê dîyalogî newe ra dest pêbikero, no do bi hawayêko pozîtîf û  teserê ci serê şaranê Rojakewtena Mîyanêne bimojno.”

Aktîvîstan bêvengîya çapemenîya Almanan rexne kerde û vat, “Çapemenîya Almanî bêveng a, Hulmatê Federalî zî seba ke peyama bextwaştoxan û çekan a ke Tirkîya reyde ameya kerdene zerar nêvîno, nêwazeno xoverdayoxan bivîno. Ganî medyaya Almanî na bêvengîye caverdo û hukmat cade bikewo mîyanê têgêrayîşî.”

Eşkerayîye bi sloganê “Cinîye Cuye Azadîye “ û bi slogananê Almankî  “Ocalanî rê Azadîye” qedîyaye.