Nobeta Azadîye 25ê hezîrana 2012î ra nata seba azadîya Rayberê Şarê Kurdî Abdullah Ocalanî Strasbourg de yena kerdene. Hewteyê 615inî de koma Kielî nobete dewr girewte.

Kome de kurdîstanijî Agît ûral, Medîne Ûral, Abdullah Yildiz û Şiyar Yilmaz cagênê. 

Nameyê kome ser o Agît Uralî qisey kerd. Uralo ke 14 sîyasetmedar, rojnameger, avûkat û aktîvîstan reyde 17ê kanûna 2018î de grevê vêşanîye de cagirewtbi vat: ''Rojbîyayîşê Rayberê ma fîraz bo. Roşanê Remezanî zî bimbarek bo. Ma 2018 de grevê xo yê vêşanîye de netîce girewtbi. Seba azadîya Rayberê ma serra 2024î zaf girîng a. Seba ke Rayberê ma azad bibo çew hewce yo ganî ma bikerê. Ma venga Yewîya Ewropa danê ke wa goreyê qanûnanê xo têbigêra. Ma ciwananê xo ra zî hêvî kenê ke wa 2024 de hîna aktîf bibê, vengê xo berzêr bikerê. Ganî ciwanê ma yê Ewropa bi ruhê xoverdayîşê Wanî têbigêrê.''

Şîyar Yilmazî zî seba wedarîyayîşê tecrîdê Îmraliyî venga şarê kurdî da.