Çalakîya nobeta ke hetê KCDK-E û TJK-E ra şaristanê Strasbourgî yê Fransa de 12ê êlule de dîyayebî destpêkerdene, dewam kena. Bi wesîleya roniştişê Konseya Ewropa yê seba Tirkîya ewro rayraşîyayîşêk do bêro kerdene.
Çalakîya seba azadîya Rayberê Şarê Kurdî Abdullah Ocalanî hewteyê diyînî de hetê aktîvîstanê TJK-E ra ameye dewrgirewtene.
Hewteyê diyînî de sîyasetmedarê kurdî, hemparê yewîya hêzê demokratîkî, temsîlkarê bawerîyan tewrê çalakîya roniştişî bîyî û dosyaya 'tecrîd, komployê mîyanneteweyî û şerê dewleta tirke yê vera kurdan' pêşkêşê temsîlkaranê welatanê Konseya Ewropa bîye.
Aktîvîstanê TJK-E dosya teslîmê temsîlkarê Îngilîstan, Fransa, Îtalya, Belçîka, Malta û Luksembourgî kerdî. Temamîya roje de cinîyan bi psoteranê Ocalanî ver bi Konseya Ewropa çalakîya rayraşîyayîşî kerde, semînerêk da û şexsê Şehîde Bêrîtane de pêro şehîdê menga teşrîna verêne yad kerdî.
Aktîvîstanê TJK-E ra Dildar pare kerd ke wa tecrîdê vera Rayberê Şarê Kurdî Abdullah Ocalanî cade bêro wedaritene.
Çalakîye de aktîvîstan venga pêro kurdîstanijan da ke 22-23ê teşrîna verêne de saete 11:00 de Meydanê Kleberî yê Konseya Ewropa de tewrê çalakîye bibê.
