Paytextê Fransa Parîs de hem Yelegzerdan û muxalîfanê reformê teqawîtî, hem zî êyê ke seba îklîmî vejîyayê cehdeyan, nawnayîş kerd.

Paytext Parîs de goreyê polîsan 16 hezar kesî, goreyê amadekaran zî 40 hezar kesî tewrê nawnayîşî bîyî. Şaristanê Lyon, Strasbourg û Grenoble de zî bi hezaran kes tewrê nawnayîşan bîyî. Şaristananê Bordeaux, Metz, Rouen, Nancy, Marsîlya, Tours, Angers, Bayonne û Caen de zî goreyê hûmara fermîye nêzdîya 10 hezar kesî seba îklîmî vejîyayê cehdeyan. Labelê goreyê amadekaran hûmara kesanê ke tewrê nawnayîşî bîyê hûmara ke polîsan eşkera kerd ra zêdêr a. Hem çalakîyanê Yelegzerdan de hem zî çalakîyanê îklîmî de serebûtî ameyî meydan. Goreyê Walîtîya Parîsî serebûtan de tewr tayî 163 kesî ameyî destbendkerdene û înan ra 99 kesî ameyî tepiştene. Ame vatene zanayene cedeyanê ke çalakî tede ameyî qedexekerdene de 300 ra zêdêr kesî seba wextêko kilm hetê polîsan ra ameyî girewtene.