Seba azadîya Rayberê Şarê Kurdî Abdullah Ocalanî û tepişteyanê sîyasîyan Îtalya de 2022 ra nata çalakîyê 'Wextê Hêvîye' yenê kerdene. Şaristanê Milanoyî yê Îtalya de bi şîarê ''Wextê Hêvîye'' çalakîyêke ameye kerdene û azadîya Rayberê Şarê Kurdî Abdullah Ocalanî ameye waştene. Serkêşîya Buroyê Enformasyonî yê Kurdîstanî yê Îtalya û RTE Kurdistan Itali de çalakîye ameye kerdene. Çalakîye de fotografê Rayberê Şarê Kurdî Abdullah Ocalanî û alê PKKyî ameyî akerdene.

Çalakîye bi panelêkî dest pêkerd. Panel de rojnamegere Alessia Manzi moderatorîye kerde, Serekê Weşanxaneyê Punto Rossoyî Roberto Mapelli, Sekreterê FLC CGIL Lombardia Massimiliano de Conca, endama Merkezê Cigêrayîş û Averberdişî yê Demokrasîyî Michela Arricale û Endamê Buroyê Enformasyonî yê Kurdîstanî yê Îtalya Yilmaz Orkanî panel de qisey kerd.

Panel de şertê tecrîdê vera Rayberê Şarê Kurdî Abdullah Ocalanî ameyî parekerdene.

Çalakîye ra dima  hunermend Kawa Ûrmîye û Assalti Frontali vejîyayî sehne ser. Konser bi sloganê "Free Apo" qedîya.