Bajaranê Paris, Marsilya û Bordeauxî yê Fransa û bajarê Zurîhî yê Swîsre de semedê protestokerdişê pêkerdişê Bexdad û Hewlêrî yê vera Şingalî çalakîyî ameyî kerdene.

Paris vera pêkerdişê PDK û hukmatê Iraqî û seba ke bi hezaran leşkerî şawîyenê Şingal nêrazîbîyayîş ame ramojnayene. Ciwanan wextêk rayîr trafîkî rê birna û bale ante tehlukeyê vera Şingalî  ser.

Bordeaux de atkvîstanê Têgêrayîşê Ciwanan ê Şorişgêran Konsolosxaneyê Tîrkiya rê pankarta '' Şingal do bibo mezarê dewleta tirke, Tirkîya ya û DAÎŞ yew ê û Erdogan qetilkar o'' daliqnaye.

Marsîlya de zî çalakîyê ciwanan ê paştdayîşê Şingalî dewam kenê. Ciwanî vizêr zî kuçeyan de bî. Ciwanan pêkerdişê vera Şingalî yo ke sey fermanê 75. yeno naskerdene protesto kerd û vat seba ke qirkerdişêkoo bîn mebo ê do kuçeyan de bê.

Zurih de ciwanî bi eynî waştişî vejîyayî kuçeyan. Ciwanan bi sloganan hêrişê îşxalî û xayînîye protesto kerdî û waştişê azadîya Rayberê Şarê Kurdî Abdullah Ocalanî ard ziwan.