Serkêşîya Platformê Komelê Kurdan de xeylêk zanîngehanê Îngilîstanî yê sey SOAS, UCL, Cambridge, Canterbury û Oxfordî ra bi seyan wendekaran London de pîya adirê Newroze yo emserîn vist ta û Newroze fîraz kerde.

Endamê Têgêrayîşê Ciwananê Kurdan û Meclîsê Şarê Kurdî zî tewrê merasîmî bîyî.

Her parçeyanê Kurdîstanî ra ciwanêkî/a qiseykerdişî kerdî û înan vat ke Roşanê Newroze îmkanê azadîye dano şarê kurdî coka ganî bibo wesîleya yewîya kurdan.

Rêxistinê ciwananê kurdîstanijan beşdarê şayîye bîyî la balkêş o ciwanê nêzdîyê PDKyî beşdarê şayîye nêbîyî.

Wendekaran bi kincanê xo yê neteweyîyan meydanê şayîye dekerd û bi deyîra 'ha gerîla' govende girewte.

Şayîye de  hunemendî Paywand Jaff, Mîr Serhed, Hozan Dîyar û Sharkz vejîyayî sehne ser. 

Ciwanan teberê salone de adir vist ta û bi nê hawayî şayîya xo qedînaye.