Înîsîyatîfê Şarî yê Kurdîstanî vera xespkerdişê şaredarîyan veng da û vat: ''Êyê ke ma nêşinasnenê ma zî do înan nêşinasnê. Ma wayîrê îradeyê xo vejîyê, ma pêro meydan û kuçeyan bivurnê waranê çalakîye.''
Înîsîyatîfê Şarî yê Kurdîstanî derheqê xespkerdişê şaredarîyanê Mêrdîn, Êlih û Xalfetî yê DEM Partî de eşkerayîyêke daye.
Eşkerayîye wina ya:
''Îqtîdarê AKP-MHPyî yê faşîstî ancî dişmenîya xo ya vera kurdan mojnaye ra. Rejîmo faşîsto ke Rayberê ma tecrîd keno, seba îmhaya gerîlayanê ma bi her hawayî hemkarîya gemarine keno, nika zî wazeno şaristananê şarê ma xesp bikero.
Şaredarîyê Êlih, Mêrdîn û Xelfetî bi xoverdayîş û keda şarê ma ameyê destvistene. Tayînkerdişê qeyûman nêşinasnayîşê îradeyê şarî yo. Îqtîdarê AKP-MHPyî îradeyê şarê ma nêşinasneno, ma zî do ey nêşinasnê. Heta ke şaredarîyanê xo apey bigêrê, ma do kuçeyan de bibê. Êyê ke ma nêşinasnenê ma zî do înan nêşinasnê. Ma wayîrê îradeyê xo vejîyê, ma pêro meydan û kuçeyan bivurnê waranê çalakîye.''
