Robert Jarowoyo ke bajarê Hamburgî yê Almanya de ciwîyayêne nêweşîya kanserî ra 21ê êlule de cuya xo vînî kerde. Mergê Robert Jarowoyî têna Hamburg nê zerrîya heme kurdîstanijan û dostanê înan ê Almanya dejna.

Robert Jarowoyo ke 1952 de Nurberg de ame dinya seranê xo ciwanîye ra mîyanê têkoşînê şorişî yê almanî de ca girewt. Seranê 1973î ra heta  1979 zîndan de mend ke 4 serrê înan binê tecrîdê giranî de ravêrtî. Jarowoyî 2008î ra nata endamê Meclîsê Şaredarîye yê Altona ê Partîya Çepe bi. Jarowoy pîya  bi cinîya xo Beate Reis 40 serrî yo dostê têgêrayîşê azadîye yê kurdan o.

Robert Jarowoy û  grûbêka embazanê ci  semedê kurdanê ke mexdurê şerî yê Komeleya Hetkarîye ya Kurdîstanî rona. Jarowoyo ke serra 1990yî de pîya bi grûbêka aktîvîstanê şorişgêran ê almanan şi qay Rayberê Şarê Kurdî Abdullah Ocalanî, xeylêk rey zî Herêmanê Pawitişî yê Medya de gerîlayî zîyaret kerdî.

Jarowoyo ke tewr peynî de 2019 de şi Başûr û Rojawanê Kurdîstanî, derheqê Endamê Konseya Rayberdişî yê KCKyî û Endamê Koordînasyonê Komelê Êzidîyan Mam Şingalî ( Îsmaîl Ozden) o ke sey dostê xo yê nizdî dîyêne,servîsê almankî yê ANFyî rê makaleyêk nuştbi.

Cenazaya Jarowoyî wedarîyaye morg, do roja bîyayîşê ci 10ê teşrîna verêne de merasîmê yadkerdişî bêro kerdene.